'హరిత తెలంగాణలో భాగస్వామ్యం అవుదాం..'

ముఖ్యమంత్రి కేసీఆర్ పుట్టినరోజు సందర్భంగా... సిద్దిపేటలో గ్రీన్​ పార్క్​ను మంత్రి హరీశ్ రావు ప్రారంభించారు. ప్రతి ఒక్కరూ మొక్క నాటి, వాటి సంరక్షించి హరిత తెలంగాణలో భాగస్వామ్యం కావాలని పిలుపునిచ్చారు.

ముఖ్యమంత్రి కేసీఆర్​ 66వ పుట్టినరోజు సందర్భంగా... సిద్దిపేట జిల్లాలో లక్షా పదివేల మొక్కలు నాటే కార్యక్రమానికి ఆర్థికమంత్రి హరీశ్ రావు శ్రీకారం చుట్టారు. సిద్దిపేట పట్టణాభివృద్ధి అథారిటీ కార్యాలయం ముందు ఏర్పాటు చేసిన గ్రీన్ పార్క్​ ప్రారంభించారు. కేసీఆర్​ పుట్టినరోజున ప్రజలందరూ మొక్కలు నాటడం చాలా సంతోషంగా ఉందని హరీశ్ రావు అన్నారు.

రాష్ట్రాన్ని ఆకుపచ్చగా మార్చేందుకు కేసీఆర్​ కృషి చేస్తున్నారని అన్నారు. కాళేశ్వరం ప్రాజెక్టు ద్వారా 30 లక్షల ఎకరాలకు సాగునీరు అందింస్తున్నట్లు తెలిపారు. తెలంగాణ ఉద్యమ స్ఫూర్తితో మొక్కలు నాటి, వాటిని రక్షించుకుందామని పిలుపునిచ్చారు. ఇప్పటి నుంచి శుభకార్యాల్లో రిటర్న్ గిఫ్ట్​గా... మొక్కను ఇచ్చి హరిత తెలంగాణలో భాగస్వామ్యం అవుదామన్నారు.

ఇదీ చూడండి: నేడు రాష్ట్రస్థాయి పురపాలక సదస్సు