'మూడు నెలల విద్యుత్ బిల్లులు ప్రభుత్వమే భరించాలి'

సిద్దిపేట జిల్లా దుబ్బాకలో సీపీఎం నాయకులు నిరసన చేపట్టారు. కరోనా మహమ్మారిని నిర్మూలనలో కేంద్ర, రాష్ట్ర ప్రభుత్వాలు పూర్తి విఫలమయ్యాయని విమర్శించారు. విద్యుత్​ బిల్లులు రద్దు చేసి, ప్రభుత్వమే భరించాలని డిమాండ్​ చేశారు.

కేంద్ర, రాష్ట్ర ప్రభుత్వాల ప్రజా వ్యతిరేక విధానాలు నిరసిస్తూ సిద్దిపేట జిల్లా దుబ్బాకలోని గాంధీ విగ్రహం ముందు సీపీఎం ఆధ్వర్యంలో నిరసన చేపట్టారు. కరోనా విపత్తు సమయంలో ప్రజలను ఆదుకోవడంలో ప్రభుత్వాలు పూర్తిగా విఫలమయ్యాయని జిల్లా కార్యవర్గ సభ్యుడు జి. భాస్కర్​ విమర్శించారు. మూడు నెలలకు సంబంధించిన విద్యుత్​ బిల్లులు వెంటనే రద్దు చేయాలని డిమాండ్ చేశారు. ప్రతి వ్యక్తికి 10 కిలోల ఆహారధాన్యాల చొప్పున... ఆరు నెలలపాటు ఉచితంగా అందజేయాలని కోరారు. ఈ కార్యక్రమంలో నాయకులు ప్రవీణ్, శ్రీకాంత్, ప్రశాంత్, మల్లేశం, కార్మికులు జయమ్మ, భాగ్యలక్ష్మి, రాజమణీ, సునీత, శ్యామల, సుశిత, సుజాత పాల్గొన్నారు.

ఇదీ చూడండి: ప్రతిరోజూ గ్రామం శుభ్రం కావాల్సిందే: కేసీఆర్​