హుస్నాబాద్​ సింగిల్​ విండో ఛైర్మన్​ కాంగ్రెస్​ కైవసం

సిద్దిపేట జిల్లా హుస్నాబాద్​ ప్రాథమిక వ్యవసాయ సహకార పరపతి సంఘం ఎన్నికల్లో కాంగ్రెస్​ పార్టీ బలపరిచిన అభ్యర్థులు ఘనవిజయం సాధించారు.

సిద్దిపేట జిల్లా హుస్నాబాద్​ సహకార పోరులో కాంగ్రెస్​ పార్టీ మద్దతుదారులు విజయం సాధించారు. 13 డైరెక్టర్​ స్థానాల్లో 12 స్థానాల వరకు సమఉజ్జీగా తెరాస, హస్తం అభ్యర్థులు కొనసాగారు.

ఉత్కంఠ భరితంగా సాగిన 13వ వార్డు లెక్కింపులో కాంగ్రెస్​ పార్టీ మద్దతుదారులు గెలుపొందగా.. ఏడు స్థానాలతో హస్తం సింగిల్​ విండో ఛైర్మన్​ పీఠం చేజిక్కించుకుంది.

కాంగ్రెస్​ శ్రేణులు లెక్కింపు కేంద్రం వద్ద సంబురాలు చేసుకున్నారు. అంబేడ్కర్​ చౌరస్తా వరకు ర్యాలీ నిర్వహించి టపాసులు కాల్చారు.

• ఇదీ చూడండి: భవననిర్మాణాలకు 21 రోజుల్లో అనుమతివ్వాలి: కేటీఆర్