సిద్దిపేట జిల్లా హుస్నాబాద్ అంబేడ్కర్ చౌరస్తాలో దివంగత నేత వైఎస్ రాజశేఖర్ రెడ్డి 71వ జయంతిని నిర్వహించారు. కాంగ్రెస్ నాయకులు వైఎస్సార్ చిత్రపటానికి పూలమాలలు వేసి నివాళులర్పించారు. వైఎస్సార్తో హుస్నాబాద్ ప్రాంతానికి ఎనలేని సంబంధాలు ఉన్నాయని డీసీసీ అధికార ప్రతినిధి కేడం లింగమూర్తి గుర్తు చేశారు.
హుస్నాబాద్ రైతుల కోసం వైఎస్సార్ వరద కాలువకు శంకుస్థాపన చెయ్యడంతోపాటు గౌరవెల్లి- గండిపల్లి ప్రాజెక్టుకు బీజం వేశారన్నారు. ఆయన పాలనలో చేపట్టిన ఆరోగ్యశ్రీ, 108, 104 లాంటి అనేక సంక్షేమ పథకాలు చిరస్మరణీయంగా మిగిలిపోయాయన్నారు. రాష్ట్రంలో ప్రతీ పేద వాడి మనసు గెలిచిన మహానేత వైఎస్సార్ అని నాయకులు కొనియాడారు.
