హాస్య నటుడు నవీన్ (ఈటీవీ జబర్దస్త్‌ ఫేమ్‌) సిద్దిపేటను సందర్శించారు. హైదరాబాద్‌ నుంచి వేములవాడకు కుటుంబ సమేతంగా వెళ్తున్న ఆయన మార్గమధ్యలో సిద్దిపేటలోని కోమటిచెరువు పరిసరాలను వీక్షించారు. సరదాగా బ్యాటరీ కారు నడిపించారు. మాజీ మంత్రి హరీశ్‌రావు అభివృద్ధి తీరు ఆదర్శంగా ఉందని కొనియాడారు. రానున్న రోజుల్లో సినిమా చిత్రీకరణకు సిద్దిపేట అనుకూలంగా మారనుందని చెప్పారు. మున్సిపల్‌ ఛైర్మన్‌ రాజనర్సు నవీన్ను సత్కరించారు. కార్యక్రమంలో కొందరు స్థానిక నటులు పాల్గొన్నారు. నవీన్తో పలువురు స్వీయచిత్రాలు తీసుకున్నారు.
ఇదీ చూడండి:పంటపొలాలను కాటేస్తున్న "ఫార్మా" కాలుష్యం
