రెవెన్యూ డివిజన్​గా ఏర్పాటు చేయాలంటూ చేర్యాల బంద్​

రెవెన్యూ డివిజన్​గా ఏర్పాటు చేయాలంటూ చేర్యాల పట్టణంలో బంద్​ నిర్వహించారు. డివిజన్​ సాధన జేఏసీ నాయకులు ద్విచక్ర వాహన ర్యాలీ నిర్వహించారు. ఈ బంద్​లో అన్ని వ్యాపార సంస్థలు స్వచ్ఛందంగా పాల్గొన్నాయి.

సిద్దిపేట జిల్లా చేర్యాల పట్టణాన్ని రెవెన్యూ డివిజన్​గా ఏర్పాటు చేయాలనే డిమాండ్​తో జేఏసీ నాయకులు బంద్ నిర్వహించారు. బంద్​లో పట్టణంలోని వివిధ వ్యాపార, వాణిజ్య, విద్యా సంస్థలు, హోటళ్లు, పెట్రోల్​ బంకులు, సినిమా హాళ్లు స్వచ్ఛందంగా పాల్గొన్నాయి. జేఏసీ నాయకులు పట్టణంలో ద్విచక్రవాహనాల ర్యాలీ చేపట్టారు. పోలీసులు ర్యాలీని అడ్డుకుని నాయకులను అదుపులోకి తీసుకున్నారు. ఎన్ని అడ్డంకులు, అవరోధాలు ఎదురైనా చేర్యాల డివిజన్​ సాధనే లక్ష్యంగా ముందుకెళ్తామని జేఏసీ నాయకులు స్పష్టం చేశారు. సీఎం కేసీఆర్ ప్రత్యేక చొరవ తీసుకొని చేర్యాల రెవెన్యూ డివిజన్ ఏర్పాటు చేయాలని డిమాండ్ చేశారు.

ఇవీ చూడండి:వేడెక్కిన హుజూర్​నగర్: ఉప ఎన్నికలో హోరాహోరీ ప్రచారం