సిద్దిపేట జిల్లా హుస్నాబాద్లో భాజపా రాష్ట్ర అధ్యక్షుడు, ఎంపీ బండి సంజయ్కుమార్ పర్యటించారు. ఈ సందర్భంగా పట్టణంలోని 8, 11 వార్డుల్లో ఎంపీ నిధుల నుంచి మంజూరైన వివిధ అభివృద్ధి పనులకు శంకుస్థాపన చేశారు.
భాజపా ప్రభుత్వం రెండోసారి అధికారంలోకి వచ్చి ఏడాది పూర్తి చేసుకున్న సందర్భంగా కేంద్ర ప్రభుత్వం అమలు చేస్తున్న వివిధ అభివృద్ధి, సంక్షేమ పథకాలను కరపత్రాల ద్వారా ప్రజలకు తెలియజేయాలని లక్ష్యంగా పెట్టుకొని.. ఆ దిశగా పార్టీ కార్యకర్తలందరం కృషి చేస్తున్నామని సంజయ్ పేర్కొన్నారు. ఎన్నికలప్పుడే రాజకీయాలు ఉంటాయని.. ఇప్పుడు అభివృద్ధే ఎజెండాగా ప్రతి ఒక్కరూ పరస్పర సహకారంతో పని చేయాలన్నారు.
కరీంనగర్లో భాజపా కార్పొరేటర్లు పార్టీ మారటం వాళ్ల విజ్ఞతకే వదిలేస్తున్నానన్న ఆయన.. ఇన్నాళ్లుగా జరగని అభివృద్ధి ఏడాదిలో జరుగుతుందని అనుకోవడం వారి భ్రమ అన్నారు. డబ్బుల కోసం ఆశపడి పార్టీ మారుతున్న వారికి త్వరలోనే ప్రజలు గుణపాఠం చెబుతారని తెలిపారు. కార్యక్రమంలో ఎమ్మెల్యే సతీశ్కుమార్, పలువురు స్థానిక నేతలు పాల్గొన్నారు.
ఇదీచూడండి: పూర్తి వేతనాలు చెల్లించని కంపెనీలపై చర్యలొద్దు: సుప్రీం
