ఎన్నికల హామీలు నెరవేర్చకుండా తెరాస నేతలు రాష్ట్రాన్ని దోచుకుంటున్నారని భాజపా జాతీయ ఉపాధ్యక్షురాలు డీకే అరుణ ఆరోపించారు. దుబ్బాక శాసనసభ ఉపఎన్నిక ప్రచారంలో భాగంగా ఆ పార్టీ అభ్యర్థి రఘునందన్రావుతో కలిసి రోడ్షోలో పాల్గొన్నారు.
డబుల్బెడ్రూం ఇళ్ల పంపిణీ, రైతులకు రుణమాఫీ విషయంలో ప్రభుత్వం విఫలమైందని ఆరోపించారు. కేంద్రం ఇచ్చిన నిధులతోనే రాష్ట్రంలో సంక్షేమ పథకాలు అమలవుతున్నాయని పేర్కొన్నారు. ఎన్నికల ప్రచారంలో తెరాస నేతలు అసత్యాలు ప్రచారం చేస్తున్నారని విమర్శించారు. దుబ్బాకలో భాజపా గెలుస్తుందనే భయంతోనే రఘునందన్రావు బంధువుల ఇళ్లలో సోదాలు చేశారన్నారు. రాష్ట్రం మొత్తం దుబ్బాక వైపు చూస్తుందన్నారు. కమలం గుర్తుపై ఓటు వేసి తమ పార్టీ అభ్యర్థిని గెలిపించాలని విజ్ఞప్తి చేశారు.
ఇదీ చూడండి: ఎన్ని ఇబ్బందులు పెట్టినా భాజపా విజయం ఖాయం: డీకే అరుణ
