కిడ్నీలో 45 రాళ్లు.. తొలగించిన వైద్యులు

కిడ్నీలో ఒకటి నుంచి ఐదు వరకు రాళ్లు ఉంటాయి. కానీ రాజన్న సిరిసిల్ల జిల్లాకు చెందిన ఓ వ్యక్తి మూత్రకోశంలో ఏకంగా 45 రాళ్లు బయటపడ్డాయి.

రాజన్న సిరిసిల్ల జిల్లా ఇల్లంతకుంట మండలం అనంతగిరికి చెందిన హనుమంతు (70) రెండు, మూడేళ్ల నుంచి మూత్రకోశంలో రాళ్లతో ఇబ్బందులకు గురయ్యాడు. ఇటీవల సిద్దిపేటలోని ఓ ఆస్పత్రిలో చేరగా.. వైద్యులు స్కానింగ్​ చేశారు. అందులో మూత్రకోశంలో నలభై ఐదు రాళ్లు ఉన్నట్లు గుర్తించారు. యూరాలజిస్ట్​ జగదీశ్వర్​ వాటిని తొలగించేందుకు క్యాటర్​ పైపు వేసి ప్రయత్నించారు. మూత్రకోశం మొత్తం రాళ్లు నిండి ఉండటంతో పైపు వేసిన ప్రయోజనం లేక ఆపరేషన్​ చేసినట్లు డాక్టర్​ శంకర్​ రావు తెలిపారు. ఒక రాయి ఉంటేనే విపరీతమైన కడుపునొప్పి వస్తుంది.. అలాంటిది అతనికి 45 రాళ్లు నిండిపోయి ఉన్నాయన్నారు. ఇలాంటి నొప్పి వస్తే సరైన వైద్యుడిని సంప్రదించాలని శంకర్​ రావు పేర్కొన్నారు.

ఇవీ చూడండి: హైకోర్టు తీర్పుపై మంత్రి అజయ్ సమాలోచనలు