ఒకటే ఇల్లు... రెండు విషాదాలు..

సంగారెడ్డి జిల్లాలో విషాదం చోటుచేసుకుంది. కుమారుని అంత్యక్రియల అనంతరం  చెరువులో స్నానానికని దిగిన తండ్రి గల్లంతయ్యారు. బంధువులు, పోలీసులు, అగ్నిమాపక సిబ్బంది ఎంత గాలించినప్పటికీ ఆచూకీ లభ్యం కాలేదు.

కుమారుని అంత్యక్రియల తర్వాత చెరువులో స్నానం చేస్తూ తండ్రి గల్లంతైన ఘటన సంగారెడ్డి జిల్లాలో జరిగింది. పట్టణానికి చెందిన మహేశ్​ సోమవారం అకస్మాత్తుగా మరణించారు. మంగళవారం అంత్యక్రియలు నిర్వహించిన అనంతరం తండ్రి కృష్ణ పట్టణ శివారులోని మహబూబ్​సాగర్​ చెరువులో స్నానం చేస్తూ గల్లంతయ్యారు. అప్రమత్తమైన బంధువులు ఎంత వెతికినా ఆచూకీ దొరకలేదు. బుధవారం సాయంత్రం వరకు పోలీసులు, అగ్నిమాపక సిబ్బంది గాలించిన ఫలితం లేకపోయింది.