సంగారెడ్డి జిల్లా అమీన్‌పూర్ మండలం ఐలాపూర్ తండాలో విషాదం చోటుచేసుకుంది. దుస్తులు ఉతికేందుకు వెళ్లి... ఈత చేయాలన్న సరదాతో చెరువులోకి దిగిన ఇద్దరు యువతులు మృత్యువాత పడ్డారు.
ఐలాపూర్ తండాకు చెందిన నలుగురు యువతులు దుస్తులు ఉతికేందుకు చెరువుకు వెళ్లారు. అనంతరం స్నానం చేసేందుకు చెరువు లోపలికి దిగారు. ప్రమాదవశాత్తు ఇద్దరు మునిగిపోగా... వారిని కాపాడేందుకు వెళ్లిన మరో ఇద్దరు యువతులు చెరువులో పడిపోయారు. గమనించిన స్థానికులు ఇద్దరిని కాపాడారు. మరో ఇద్దరు చనిపోయారు. మృతులు వరలక్ష్మి, చిట్టిగా గ్రామస్థులు గుర్తించారు. పోలీసులు కేసు నమోదు చేసుకుని... మృతదేహాలను శవపరీక్ష నిమిత్తం పఠాన్చెరు ఆస్పత్రికి తరలించారు.
