'టీచర్ల సమస్యలను తీర్చే బాధ్యత ప్రభుత్వానికి లేదా..?'

తెరాస ప్రభుత్వం ఉపాధ్యాయులకు అన్యాయం చేస్తోందని పీఆర్​టీయూటీఎస్ మండిపడింది. సంగారెడ్డి జిల్లా కేంద్రంలో పీఆర్సీ నివేదికకు వ్యతిరేకంగా ఉపాధ్యాయులు ఆందోళన చేపట్టారు.

సంగారెడ్డి జిల్లాలో పీఆర్​సీ నివేదికకు వ్యతిరేకంగా ఉపాధ్యాయులు ఆందోళన చేపట్టారు. పీఆర్​టీయూటీఎస్ ఆధ్వర్యంలో పట్టణంలోని ఐబీ నుంచి కలెక్టరేట్ వరకు ర్యాలీ నిర్వహించారు.

ఉపాధ్యాయుల జీతాలు, బదిలీల్లో ఎలాంటి సమస్యలు లేకుండా చూస్తూ.. ఫిట్మెంట్​ను 45శాతం పెంచాలని నాయకులు డిమాండ్ చేశారు. టీచర్ల సమస్యలను తీర్చే బాధ్యత ప్రభుత్వానికి లేదా అంటూ ప్రశ్నించారు. డిమాండ్లను పరిష్కరించకుంటే పెద్ద ఎత్తున ఉద్యమాలు చేపడతామని హెచ్చరించారు.

ఇదీ చదవండి: ఉపాధి పేరిట మహిళల అక్రమ రవాణా... ముఠా అరెస్ట్​