'తరగతుల నిర్వహణకు గదులు సరిపోవడం లేదు'

రాష్ట్ర ప్రభుత్వం బుధవారం నుంచి 6,7,8 తరగతులకు ప్రత్యక్ష బోధన నిర్వహించాలని ఆదేశాలివ్వడంతో అధికారులు అప్రమత్తమయ్యారు. కొవిడ్​ నిబంధనలకు అనుగుణంగా విద్యార్థులకు పాఠాలు బోధించడానికి కావాల్సిన ఏర్పాట్లు చేశారు. సంగారెడ్డి జిల్లాలోని పటాన్​చెరువు ప్రభుత్వ పాఠశాలలో గదులు సరిపోకపోవడంతో ఉపాధ్యాయులు విద్యార్థులను వరండాలోనే కూర్చోబెట్టారు.

బుధవారం నుంచి 6,7,8 తరగతుల విద్యార్థులకు ప్రత్యక్ష బోధన తరగతులు నిర్వహించాలన్న రాష్ట్ర ప్రభుత్వ ఆదేశానుసారం సంగారెడ్డి జిల్లాలోని పటాన్​చెరువు జిల్లా పరిషత్ పాఠశాల ప్రారంభమైంది. కొవిడ్​ నిబంధనల ప్రకారం తరగతులు నిర్వహించడంతో గదులు సరిపోక విద్యార్థులను వరండాలోనే కూర్చోబెట్టారు.

నిన్నటివరకు 9,10 తరగతుల విద్యార్థులతోనే గదులు నిండిపోయాయి. ఈ రోజు అదనంగా 6,7,8 తరగతుల విద్యార్థులు రావడంతో సమస్య మొదలైంది. సమస్య పరిష్కారం కోసం షిఫ్ట్​ విధానంలో బోధన నిర్వహించాలని ఉన్నతాధికారులకు నివేదిక పంపామని ప్రాధానోపాధ్యాయురాలు సీతామహాలక్ష్మి తెలిపారు.

ఇదీ చూడండి: మంత్రి శ్రీనివాస్​ గౌడ్​ను పరామర్శించిన సీఎం