'100'కు ఫోన్ చేస్తే 15 నిమిషాల్లో మీ ముందుంటాం..

మహిళలు, విద్యార్థినిలు ఆపదలో ఉన్నప్పుడు  'షీ టీమ్​' సేవలు వినియోగించుకోవాలని పటాన్​చెరు సీఐ నరేష్ తెలిపారు. సంగారెడ్డి జిల్లా పటాన్​చెరు ప్రభుత్వ జూనియర్ కళాశాల విద్యార్థినిలకు షీ బృందాలపై అవగాహన కల్పించారు

'షీ బృందాలు' ఎల్లప్పుడూ మహిళలు, విద్యార్థినులకు రక్షణ కల్పించేందుకు సిద్ధంగా ఉంటాయని పటాన్​చెరు సీఐ నరేష్ అన్నారు. విద్యార్థినులను వేధిస్తున్న ఆకతాయిల పని పట్టేందుకు 'షీ టీమ్​' వారు సాధారణ దుస్తుల్లో ఉంటారని ఆయన తెలియజేశారు. సంగారెడ్డి జిల్లా పటాన్​చెరు ప్రభుత్వ జూనియర్ కళాశాల విద్యార్థినిలకు షీ టీమ్​పై అవగాహన కల్పించారు.

100 నంబర్​ ద్వారా అందిస్తున్న సేవల గురించి విద్యార్థినులకు సీఐ వివరించారు. దీన్ని ఎప్పుడూ, ఎలా వినియోగించుకోవాలనే అంశంపై వారికి సూచనలు ఇచ్చారు. 100 నంబర్​కు ఫోన్ చేసిన 15 నిమిషాల్లో బ్లూ కోట్ సిబ్బంది మీకు అందుబాటులో ఉంటారన్నారు. మీ చుట్టు పక్కల అసాంఘిక కార్యకలాపాలు, గొడవలు ఇతర ఏమైనా ఘటనలు జరిగినా వెంటనే ఈ నంబర్​కు ఫోన్​ చేయాలని ఆయన సూచించారు.

ఇదీ చదవండి:పాతబస్తీలో ప్రస్తుతం ప్రశాంత వాతావరణం