స్వామి వారి కల్యాణానికి భక్తులకు ఆహ్వానం

ఈ నెల 13న సంగారెడ్డి జిల్లా కేంద్రంలో జరిగబోయే శ్రీ వెంకటేశ్వర స్వామి కల్యాణ మహోత్సవంలో భక్తులందరు పాల్గొనాలని ఆలయ పూజారులు ఆహ్వానించారు. ఈ మేరకు సంగారెడ్డి జిల్లా కేంద్రంలోని స్వామివారి ఆలయంలో రథయాత్రను వైభవంగా నిర్వహించారు.

సంగారెడ్డి జిల్లా కేంద్రంలో శ్రీ వెంకటేశ్వర స్వామి వారి రథయాత్ర అంగరంగ వైభవంగా జరిగింది. పట్టణంలోని మంజీరా బాలాజీ గార్డెన్ నుంచి సాయంత్రం 6 గంటలకు ప్రారంభమైన రథయాత్రను శ్రీ వైకుంఠపురం వరకు నిర్వహించారు.

ప్రతి ధనుర్మాస ఉత్సవాలలో భాగంగా రథయాత్ర కార్యక్రమాన్ని నిర్వహిస్తామని ఆలయ ప్రధాన అర్చకులు కందాడై వరదాచార్యులు తెలిపారు. ఈ నెల 13న జరిగే స్వామి వారి కల్యాణంలో పాల్గొనాలని భక్తులను ఆహ్వానించారు. దేవుని కల్యాణ మహోత్సవానికి హాజరయ్యే భక్తులు కరోనా నిబంధనలు పాటించాలని సూచించారు.

ఇదీ చదవండి: సీఎం అభ్యర్థిపై నిర్ణయం వారిదే: భాజపా