కరోనా కట్టడిలో కేంద్ర, రాష్ట్ర ప్రభుత్వాలు దారుణంగా విఫలమయ్యాయని సంగారెడ్డి డీసీసీ అధ్యక్షురాలు నిర్మల మండిపడ్డారు. మహమ్మారి వల్ల దేశంలో ఎన్నో కుటుంబాలు అతలాకుతలమయ్యాయని ఆవేదన వ్యక్తం చేశారు. ప్రతి పౌరునికి టీకాలు ఉచితంగా వేయాలంటూ కలెక్టరేట్లో వినతి పత్రాన్ని అందించారు.
ప్రభుత్వం ఉద్దేశ పూర్వకంగానే డిజిటల్ డివైడ్ను సృష్టించిందని నిర్మల అన్నారు. తద్వారా టీకాలు వేయడంలో ఆలస్యమవుతోందన్నారు. వ్యాక్సినేషన్ కోసం ధరల వ్యత్యాసాలతో స్లాబ్లు రూపొందించి అవకతవకలకు పాల్పడుతోందని ఆరోపించారు. కరోనా కట్టడి పట్ల సరైన జాగ్రత్తలు చేపట్టకపోతే కాంగ్రెస్ ఆధ్వర్యంలో పెద్ద ఎత్తున ఉద్యమాలు చేపడతామని ఆమె హెచ్చరించారు.
ఇదీ చదవండి: Eatala: వారం రోజుల్లో దిల్లీ వెళ్లి భాజపాలో చేరుతా: ఈటల
