రేషన్​ లబ్ధిదారులకు తప్పని కష్టాలు.. కేంద్రాల వద్ద పడిగాపులు

రేషన్ లబ్ధిదారులకు ఆధార్​ అనుసంధానం కష్టాలు తప్పడం లేదు. కార్డుకు ఓటీపీ కోసం చరవాణి నెంబర్​ను ఆధార్​తో లింక్ చేయించుకునేందుకు... సంగారెడ్డి జిల్లా జహీరాబాద్​లో మీసేవ, పోస్ట్ ఆఫీస్ కార్యాలయాల వద్ద పడిగాపులు కాస్తున్నారు.

రేషన్​ కోసం ఆధార్ కార్డుకు చరవాణి నంబర్ అనుసంధానం చేయించుకునేందుకు లబ్ధిదారులు అష్టకష్టాలు పడుతున్నారు. సంగారెడ్డి జిల్లా జహీరాబాద్​లో మీసేవ, పోస్టు ఆఫీస్ కార్యాలయాల ఎదుట బారులు తీరారు. చాలా మంది నిరక్షరాస్యులు కావడంతో రేషన్ కార్డు వివరాలు ఫారాల్లో నమోదు చేసేందుకు తీవ్ర ఇబ్బందులు ఎదుర్కొంటున్నారు.

రేషన్​ లబ్ధిదారులకు తప్పని కష్టాలు.. కేంద్రాల వద్ద పడిగాపులు

దాని కోసం పలువురు రూ.30 వరకు వసూలు చేస్తున్నారని బాధితులు వాపోతున్నారు. ఆధార్ సంఖ్యకు చరవాణి నంబర్ అనుసంధానానికి రూ.100 నుంచి రూ.150 తీసుకోవడంతో ఆర్థికంగా నష్టపోతున్నామని ఆవేదన వెలిబుచ్చారు. పాత పద్ధతిలోనే రేషన్ సరుకులు అందించి ఇబ్బందులు తీర్చాలని ప్రభుత్వ అధికారులను వేడుకుంటున్నారు.

ఇదీ చదవండి: బైక్​ను తప్పించబోయి కాల్వలోకి దూసుకెళ్లిన కారు.. ముగ్గురు జలసమాధి