కేంద్రం నిర్ణయాన్ని వ్యతిరేకిస్తూ ఓపీ సేవలు బంద్

ఆయుర్వేద వైద్యులకు‌ శస్త్ర చికిత్సలు చేసే అధికారాన్ని కల్పించడాన్ని ఖండిస్తూ ఇండియన్​ మెడికల్​ అసోషియేషన్​ బంద్​కు పిలుపునివ్వడంతో ప్రభుత్వ ఆస్పత్రుల్లో ఓపీ సేవలు నిలిచిపోయాయి. సంగారెడ్డి జిల్లా ప్రభుత్వ, ప్రయ్వేట్ వైద్యులు విధులు బహిష్కరించారు. అత్యవసర సేవలు మినహా అన్నింటినీ నిలిపివేశారు.

సంగారెడ్డి జిల్లాలోని ప్రభుత్వ, ప్రయ్వేట్​ ఆస్పత్రుల్లో ఓపీ సేవలు నిలిచిపోయాయి. ఆయుర్వేద వైద్యులకు‌ శస్త్ర చికిత్సలు చేసే అధికారాన్ని కల్పించడాన్ని ఖండిస్తూ కేంద్ర ప్రభుత్వం ఇచ్చిన ఆదేశాలను వెనక్కి తీసుకోవాలంటూ ఇండియన్​ మెడికల్​ అసోషియేషన్​ బంద్​కు పిలుపునిచ్చింది.

అత్యవసర, కరోనా చికిత్సలు మినహా అన్ని సేవలను ఉదయం ఆరు నుంచి సాయంత్రం ఆరు గంటల వరకు నిలిపివేస్తున్నట్లు వైద్యులు స్పష్టం చేశారు. దేశమంతా నిరసన కార్యక్రమాలు చేపడుతున్నామని తెలిపారు. ఈ నిర్ణయాన్ని ఉపసంహరించుకోకుంటే పెద్దఎత్తున ఉద్యమాలు చేస్తామని వైద్యులు హెచ్చరించారు.

ఇదీ చూడండి:రైతు ఖాతాలో 4 వందల కోట్లు... చేతికి పైసా రావట్లేదు...!