తెలంగాణ, కర్ణాటక సరిహద్దులో వైద్య ఆరోగ్య శాఖ ఏర్పాటు చేసిన కరుణ తనిఖీ కేంద్రాన్ని ఎమ్మెల్యే మాణిక్యరావు సందర్శించారు. సంగారెడ్డి జిల్లా జహీరాబాద్ మండలం చిరాగ్పల్లి వద్ద 65వ నంబరు జాతీయ రహదారిపై కరోనా నియంత్రణ చర్యల్లో భాగంగా గత రెండు రోజులుగా వైద్య శిబిరాన్ని నిర్వహిస్తోంది. శిబిరాన్ని తనిఖీ చేసిన ఎమ్మెల్యే కర్ణాటక మహారాష్ట్ర ప్రాంతాల నుంచి వస్తున్న బస్సులు కార్లు సరుకు రవాణా వాహన డ్రైవర్లకు నిర్వహిస్తున్న కరుణ పరీక్షలను పరిశీలించారు.
రాష్ట్ర సరిహద్దులోకి వాహనాలు చేరుకోగానే రవాణా శాఖ చెక్పోస్ట్ అధికారులు ముందుగా ప్రయాణికులు, డ్రైవర్ల చేతులు శుభ్రం చేయించాలని సూచించారు. వైద్యశాఖ చెక్పోస్ట్ వద్ద అంతరాష్ట్ర ప్రయాణికులకు మాస్కులు, శానిటైజర్లు అందజేసి ఆరోగ్య సూత్రాలు సూచించాలని తెలిపారు. బస్సుల్లో ప్రయాణికులకు వైద్య పరీక్షలు నిర్వహిస్తున్న తీరును పరిశీలించిన ఎమ్మెల్యే... వైద్య శిబిరం వద్ద కనీసం ఇద్దరు వైద్యులు అందుబాటులో ఉండి కరోనా లక్షణాలు కనిపించిన వెంటనే శిబిరానికి తరలించేలా చూడాలని ఆదేశించారు.
