కలెక్టరేట్​లో హరీశ్.. ఉద్యోగుల తీరుపై అసహనం

ప్రతి ఉద్యోగి సమయపాలన తప్పకుండా పాటించాలని మంత్రి హరీశ్​రావు పేర్కొన్నారు. సంగారెడ్డి కలెక్టరేట్​ను ఆయన ఆకస్మికంగా తనిఖీ చేశారు. చాలా మంది ఉద్యోగులు విధులకు సకాలంలో హాజరుకాకపోవడం పట్ల మంత్రి అసహనం వ్యక్తం చేశారు.

సంగారెడ్డి ‌కలెక్టరేట్‌ను ఆర్థిక శాఖ మంత్రి హరీశ్‌రావు ఆకస్మికంగా తనిఖీ చేశారు. ‌కార్యాలయంలోని అన్ని సెక్షన్‌లను కలియ తిరిగి పరిశీలించారు.

ఉదయం పదిన్నర అవుతున్నా.. చాలా మంది విధులకు హాజరు కాకపోవడంపై మంత్రి అసహనం వ్యక్తం చేశారు. ప్రతి ఉద్యోగి సమయపాలన తప్పకుండా పాటించాలని ఆదేశించారు. ప్రజలకు అందుబాటులో ఉండి, వారి సమస్యలు ‌ఎప్పటికప్పుడు పరిష్కరించాలని స్పష్టం చేశారు.