గడువులోగా పూర్తి చేయకపోతే కాంట్రాక్ట్ కట్ : హరీశ్​ రావు

సంగారెడ్డి జిల్లా జహీరాబాద్​లో రెండు పడక గదుల ఇళ్ల నిర్మాణ పనులను మంత్రి హరీశ్​ రావు పరిశీలించారు. సరైన సమయంలో అభివృద్ధి పనులు పూర్తి చేయకపోతే వేరే కాంట్రాక్టర్లకు అప్పగిస్తామని గుత్తేదారులను హెచ్చరించారు.

నిర్దేశించిన గడువులోగా గుత్తేదారులు అభివృద్ధి పనులు పూర్తి చేయకపోతే వేరే కాంట్రాక్టర్లకు అప్పగిస్తామని ఆర్థిక శాఖ మంత్రి హరీశ్​ రావు హెచ్చరించారు. సంగారెడ్డి జిల్లా జహీరాబాద్​లో రెండు పడక గదుల ఇళ్ల నిర్మాణ పనులను ఆయన పరిశీలించారు. అనంతరం ఎమ్మెల్యే మానిక్ రావు, ఎమ్మెల్సీ ఫరీదుద్దీన్​తో కలసి సమీక్ష నిర్వహించి అభివృద్ధి పనులపై అడిగి తెలుసుకున్నారు.

వర్షాభావంతో భూగర్భ జలాలు అడుగంటి పట్టణ ప్రజలు ఇబ్బందులు ఎదుర్కొంటున్నారని.. ప్రత్యామ్నాయ తాగునీటి సరఫరా ఏర్పాటు చేయాలని హరీశ్​ రావు ఆదేశించారు. అంతర్గత దారులు, వైకుంఠ గ్రామాలు డివైడర్ పనులను త్వరగా పూర్తిచేసి ప్రారంభానికి సిద్ధం చేయాలని అన్నారు.

ఇవీ చూడండి: త్వరలో టీస్​బీపాస్​ తీసుకొస్తాం: కేటీఆర్