సంగారెడ్డిలో 13న లోక్​అదాలత్ కార్యక్రమం

ఈ నెల 13న సంగారెడ్డి జిల్లాలో జాతీయ లోక్​ అదాలత్ కార్యక్రమంను నిర్వహించనున్నారు. ఎక్కువ కేసులు పరిష్కారం అయ్యేలా చూడాలని సంగారెడ్డి జిల్లా న్యాయసేవాధికార సంస్థ కార్యదర్శి భవాని పోలీసులకు సూచించారు.

జాతీయ లోక్​అదాలత్ కార్యక్రమంలో అత్యధిక కేసులు పరిష్కారం అయ్యేలా చూడాలని సంగారెడ్డి జిల్లా న్యాయసేవాధికార సంస్థ కార్యదర్శి భవాని పేర్కొన్నారు. జహీరాబాద్ కోర్టులో నిర్వహించిన సమీక్షా సమావేశానికి హాజరయ్యారు. పెండింగ్ కేసుల పురోగతిపై పోలీసులు, న్యాయవాదులతో మాట్లాడారు. ఈ నెల 13న నిర్వహిస్తున్న లోక్ అదాలత్​లో బ్యాంకు కేసులు, సివిల్ తగాదాలు, ఆస్తి తగాదాలు అత్యధికంగా పరిష్కారం అయ్యేలా పోలీసులు దృష్టి సారించాలని ఆమె సూచించారు. సమీక్షా సమావేశంలో సీనియర్ సివిల్ జడ్జి నీరజ, జూనియర్ సివిల్ జడ్జి శ్రీదేవి పాల్గొన్నారు.

ఇవీచూడండి: ముంబయిపై మరోసారి వరుణుడి పంజా