సంగారెడ్డి జిల్లా కేంద్రంలోని కలెక్టరేట్లో వెనుకబడిన తరగతుల అభివృద్ధి శాఖ ఆధ్వర్యంలో కొండా లక్ష్మణ్ బాపూజీ జయంతిని ఘనంగా నిర్వహించారు. ఈ సందర్భంగా కలెక్టర్ హనుమంతరావు బాపూజీ చిత్రపటానికి పూలమాల వేసి నివాళులర్పించారు.
అందరికీ ఆదర్శంగా నిలిచిన వ్యక్తి బాపూజీ అని కలెక్టర్ పేర్కొన్నారు. యువత ఆయనను ఆదర్శంగా తీసుకోవాలని సూచించారు. ఆయన చరిత్రను పుస్తకాల్లో ప్రచురిస్తే.. విద్యార్థులు ఆయన గురించి మరింత తెలుసుకునే వీలుంటుందని అభిప్రాయం వ్యక్తం చేశారు.
ఈ సందర్భంగా బాపూజీ విగ్రహాన్ని ఏర్పాటు చేయాలని సంఘం ప్రతినిధులు కలెక్టర్ను కోరగా.. అధికారుల దృష్టికి తీసుకెళతామని హామీ ఇచ్చారు. కరపత్రాల ద్వారా బాపూజీ గురించి ప్రచారం చేయాలని సంఘ నాయకులకు సూచించారు.
ఇదీచూడండి: ఓయూలో కొండా లక్ష్మణ్ బాపూజీ జయంతి
