బీబీ పాటిల్​ తరఫున హోం మంత్రి ప్రచారం

జహీరాబాద్ లోక్​సభ తెరాస అభ్యర్థి బీబీ పాటిల్​ తరఫున హోంమంత్రి మహమూద్​ అలీ ప్రచారంలో పాల్గొన్నారు. కారు గుర్తుకు ఓటేసి పాటిల్​ను గెలిపించాలని విజ్ఞప్తి చేశారు.

లోక్​సభ ఎన్నికలు సమీపిస్తున్నందున అభ్యర్థులు ప్రచారం ముమ్మరం చేశారు. జహీరాబాద్​లో తెరాస ఎంపీ అభ్యర్థి బీబీ పాటిల్​కు మద్దతుగా హోం మంత్రి మహమూద్ అలీ రోడ్​షోలో పాల్గొన్నారు. గత ఐదేళ్లుగా ఎంపీగా సేవలందించిన పాటిల్​ను మరోసారి గెలిపించాలని విజ్ఞప్తి చేశారు. రోడ్​షో అనంతరం సభ నిర్వహించి ప్రభుత్వ పథకాలను ప్రజలకు వివరించారు. ఆయనతో పాటు స్థానిక ఎమ్మెల్యే మాణిక్యరావు, ఎమ్మెల్సీ మహమూద్ ఫరీదుద్దీన్ తదితరులు పాల్గొన్నారు.

ఇదీ చదవండి: రసాభాసగా కురుమ సంఘం నాయకుడి సన్మాన సభ