చెరుకు పంటలో గంజాయి పెంచుతూ దొరికిపోయాడు..

ఓ వ్యక్తి చెరుకు పంటలో గంజాయి పెంచుతూ ఎక్సైజ్​ పోలీసులకు దొరికిపోయాడు. సంగారెడ్డి జిల్లా గారిడేగామలో ఆబ్కారీ పోలీసులు దాడులు చేసి గంజాయి మొక్కలను ధ్వంసం చేశారు.

సంగారెడ్డి జిల్లా సిర్గాపూర్ మండలంలోని గారిడేగామ శివారులో ఓ వ్యక్తి చెరుకులో అంతరపంటగా గంజాయి మొక్కలు పెంచుతున్నాడు. సమాచారమందుకున్న నారాయణఖేడ్​ ఆబ్కారీ పోలీసులు.. సీఐ మహేశ్​ ఆధ్వర్యంలో దాడులు చేశారు. 4556 గంజాయి మొక్కలను ధ్వంసం చేశారు. వాటి విలువ దాదాపు రూ. 2 లక్షల వరకు ఉంటుందని పోలీసులు తెలిపారు. తనిఖీల్లో 30 మంది ఎక్సైజ్ సిబ్బంది పాల్గొన్నారు.

ఇదీ చూడండి: 'వైష్ణవ జన తో' గీతంతో మహాత్ముడికి ఈటీవీ భారత్​ ఘన నివాళి