రామ్​ రావు మహారాజ్​ మృతి పట్ల బంజారా నాయకుల సంతాపం

బంజారాల గురువు సంత్​ శ్రీ రామ్​ రావు మహారాజ్​ మృతి పట్ల సంగారెడ్డి జిల్లా బంజారా నాయకులు సంతాపం ప్రకటించారు. జహీరాబాద్​లోని బంజారా భవన్​లో మహారాజ్​ చిత్రపటానికి పూలమాల వేసి నివాళులర్పించారు.

బంజారాల గురువు సంత్ శ్రీ రామ్ రావు మహారాజ్ మృతికి సంగారెడ్డి జిల్లా జహీరాబాద్​లో బంజారా నాయకులు సంతాపం ప్రకటించారు. ముంబయిలోని ఓ ప్రైవేటు ఆస్పత్రిలో మహారాజ్ చికిత్స పొందుతూ శుక్రవారం రాత్రి మృతి చెందారు.

సేవాలాల్ మహారాజ్ చూపిన బాటలో నడిచేందుకు రామ్​ రావు మహారాజ్ స్ఫూర్తిదాయకంగా నిలిచారని నాయకులు గుర్తు చేసుకున్నారు. బంజారా ఉద్యోగ, ఉపాధ్యాయ, రాజకీయ నాయకులు మహారాజ్​ సంతాప సభలో పాల్గొన్నారు.

ఇదీ చదవండి: 'పాక్​ ప్రకటనతో వారి నిజస్వరూపం బయటపడింది'