రంగారెడ్డి జిల్లా జవహర్ నగర్ పోలీస్ స్టేషన్ పరిధిలోని కౌకూర్ ఓం శ్రీ అపార్ట్మెంట్ వద్ద రోడ్డు ప్రమాదం జరిగింది. వేగంగా వస్తున్న కారు ద్విచక్రవాహనాన్ని ఢీకొట్టింది. ఈ ఘటనలో బైకు పై ఉన్న ఇద్దరు యువకులు మృతి చెందగా, మరో యువకుడికి తీవ్ర గాయాలయ్యాయి. బాధితులు కౌకూరుకు చెందిన వెంకట్, విలాస్, ఆసిఫ్గా పోలీసులు గుర్తించారు. వెంకట్, విలాస్ మృతి చెందగా.. ఆసిఫ్ ప్రస్తుతం ఆస్పత్రిలో చికిత్స పొందుతున్నాడు. బాలానగర్లోని ఓ హోటల్ పనిచేస్తున్న వీరు విధులు ముగించుకొని రాత్రి ఇంటికి వెళ్తున్న సమయంలో ఈ ప్రమాదం జరిగింది. కారు డ్రైవర్ మద్యం మత్తులో ఉండటమే ఇందుకు కారణమని పోలీసులు తెలిపారు.
రోడ్డు ప్రమాదంలో ఇద్దరు మృతి.. ఒకరికి గాయాలు
