మా భూములు, ప్రాణాలు కాపాడండి: హెచ్​ఆర్సీకి బాధితుల వేడుకోలు

రంగారెడ్డి జిల్లా శంషాబాద్ మదన్​పల్లి పాత తండా గ్రామంలోని గిరిజనులపై రియల్ ఎస్టేట్ వ్యాపారులు అనుచరులతో దాడి చేశారు. ఈ ఘటనపై తమకు న్యాయం చేయాలని కోరుతూ బాధిత గిరిజన రైతులు రాష్ట్ర మానవ హక్కుల కమిషన్​లో ఫిర్యాదు చేశారు.

రంగారెడ్డి జిల్లా మదన్​పల్లిలోని గిరిజన రైతులు హెచ్​ఆర్సీని ఆశ్రయించారు. సర్వే నెంబర్ 65లోని 23 గుంటల పట్టా భూమిపై కన్నేసిన రియర్​ వ్యాపారులు ఆ భూమిని సాగు చేసుకుంటూ జీవనం సాగిస్తున్న తమపై దాడికి పాల్పడ్డారంటూ బాధితులు కమిషన్​కు ఫిర్యాదు చేశారు.

హైదరాబాద్​కు చెందిన రియల్ వ్యాపారులు శ్రీను, వెంకటరమణ, గణేష్ రెడ్డి, కృష్ణా రెడ్డితోపాటు మరో 30 మంది వచ్చి తమ భూమి చుట్టూ ఉన్న ప్రహరీని కూల్చేశారని.. అడ్డుకోవడానికి వచ్చిన వారిపై, మహిళలపై దాడి చేశారని ఫిర్యాదులో పేర్కొన్నారు. ఇద్దరికి చేతులు విరిగాయని వాపోయారు. రియల్​వ్యాపారులపై తగిన చర్యలు తీసుకుని తమకు ప్రాణరక్షణ కల్పించాలని కమిషన్​ను వేడుకున్నారు.

ఇదీ చదవండి: హోం క్వారంటైన్​లో ఉన్నవారికి కరోనా కిట్లు