కిరాణా షాపు వ్యాపారస్థుల దాతృత్వం

రంగారెడ్డి జిల్లా కనకమామిడి గ్రామంలోని సుమారు 100 కుటుంబాలకు ఓ కిరాణాషాపు వ్యాపారస్థులు నిత్యావసరాలను పంపిణీ చేశారు. లాక్​డౌన్​ నేపథ్యంలో గ్రామ ప్రజలకు ఇళ్ల నుంచి బయటకు రాకుండా ఉండడానికి తమకు తోచిన సాయం చేశామని వారు తెలిపారు.

రంగారెడ్డి జిల్లా మొయినాబాద్ మండలం కనకమామిడి గ్రామంలో ఎంపీటీసీ గణేశ్​రెడ్డి ఆధ్వర్యంలో మహాలక్ష్మి కిరణా జనరల్ స్టోర్​ వారు పేద ప్రజలకు, రోజువారి కూలీలకు నిత్యావరస సరుకులను పంపిణీ చేశారు. సుమారు 100కుటుంబాలకు సరిపడే సరుకులను ఉచితంగా అందజేశారు.

లాక్​డౌన్ కొనసాగుతున్న నేపథ్యంలో గ్రామాల్లోని ప్రజలు ఎక్కడికి వెళ్లలేని పరిస్థితి నెలకొందని.. రెక్కాడితేకాని డొక్కాడని ప్రజలకు ఈ కరోనా శాపంగా మారిందని ఎంపీటీసీ గణేశ్​రెడ్డి పేర్కొన్నారు. ఇలాంటి పరిస్థితిలో మహాలక్ష్మి కిరాణావారు స్వచ్ఛందంగా ముందుకొచ్చి సరుకులు పంపిణీ చేయడం హర్షనీయమని ఆయన కొనియాడారు. ఈ కార్యక్రంలో ఉపసర్పంచ్ రాంరెడ్డి, కొంతమంది వార్డు సభ్యులు పాల్గొన్నారు.

ఇవీ చూడండి: సీరియస్​గా తీసుకోకపోతే ముప్పు తప్పదు: మంత్రి కేటీఆర్