శంషాబాద్ మున్సిపాలిటీకి ప్రతినెలా రూ.45 లక్షలు

శంషాబాద్ మున్సిపాలిటీ​ జీవో 111 ఉండటం వల్ల ప్రభుత్వం ప్రతి నెల 45 లక్షల రూపాయలు ప్రభుత్వం కేటాయిస్తుందని రాజేంద్రనగర్ ఎమ్యెల్యే ప్రకాష్ గౌడ్ తెలిపారు. పట్టణ ప్రగతి కార్యక్రమంలో ప్రతి ఒక్కరూ బాధ్యతతో పనిచేయాలని సూచించారు.

రంగారెడ్డి జిల్లా శంషాబాద్​లో జరిగిన పట్టణ ప్రగతి కార్యక్రమంలో రాజేంద్రనగర్​ ఎమ్మెల్యే ప్రకాశ్ గౌడ్ పాల్గొన్నారు. 15వ వార్డ్ కౌన్సిలర్ మునగాల అమృత సుధాకర్ రెడ్డితో కలిసి చెత్తబుట్టలు పంపిణీ చేశారు. అధికారులు నిర్లక్ష్యం వహించరాదని, కౌన్సిలర్​లు బాధ్యతతో పనిచేయాలని సూచించారు.

శంషాబాద్​లో జీవో 111 వల్ల నిర్మాణ అనుమతులు లేవని చెప్పారు. అందుకే ఖర్చుల నిమిత్తం ప్రతి నెల ప్రభుత్వం 45 లక్షల రూపాయలు కేటాయిస్తుందని వెల్లడించారు. కార్యక్రమంలో ఛైర్మన్ సుష్మ మహేందర్ రెడ్డి పాల్గొన్నారు.

ఇదీ చూడండి: 'మోదీజీ.. ఖాతాలు కాదు ద్వేషాన్ని వదులుకోండి'