రాగల రెండు రోజుల్లో భారీ వర్ష సూచన ఉండడం వల్ల లోతట్టు ప్రాంతవాసులు ప్రభుత్వ శిబిరాల్లోకి వెళ్లి సురక్షితంగా ఉండాలని మంత్రి సబితా ఇంద్రారెడ్డి సూచించారు. రంగారెడ్డి జిల్లా జల్పల్లి మున్సిపాలిటీలోని ఉస్మాన్నగర్ ముంపు వరద బాధితులకు మంత్రి ప్రభుత్వం సాయం అందించారు.
షాహీన్నగర్ ప్రాంతంలోని ఓ ఫంక్షన్హాల్లో వరద బాధితులకు మంత్రి రూ.10 వేల నగదు, బియ్యం, దుప్పట్లు పంపిణీ చేశారు. ఈ కార్యక్రమంలో మంత్రితో పాటు జల్పల్లి మున్సిపల్ ఛైర్మన్ అబ్దుల్లాహ్ బిన్ అహ్మద్ సాది, కమిషనర్ ప్రవీణ్ కుమార్, కౌన్సిలర్లు, తెరాస స్థానిక నేతలు పాల్గొన్నారు.
