వైద్య అధికారి తనిఖీలు.. బయటపడ్డ నకిలీ క్లినిక్​లు

తుర్కయంజాల్ మున్సిపాలిటీ పరిధిలో నిబంధనలకు విరుద్ధంగా నిర్వహిస్తున్న క్లినిక్​లను వైద్య అధికారిని డా.స్వరాజ్యలక్ష్మి తనిఖీ చేశారు. నాలుగు గుర్తించి వాటికి తాళం వేశారు. నకిలీ వైద్యులతో క్లినిక్​ నడిపితే కఠిన చర్యలు ఉంటాయని హెచ్చరించారు.

రంగారెడ్డి జిల్లా తుర్కయంజాల్ మున్సిపాలిటీ పరిధిలో నిబంధనలకు విరుద్ధంగా నిర్వహిస్తున్న క్లినిక్​లను వైద్య అధికారిని డాక్టర్ స్వరాజ్యలక్ష్మి తనిఖీ చేశారు. అనర్హులు నడుపుతున్న 4 క్లినిక్​లకు తాళం వేశారు.

జిల్లా వైద్య అధికారిని డాక్టర్ స్వరాజ్యలక్ష్మి, డిప్యూటీ డిఎంహెచ్​వోలు పల్లవి, దీన్ దయాల్ కలసి నకిలీ వైద్యులున్న విజయ క్లినిక్, శ్లోక హాస్పిటల్, రాజార్షి క్లినిక్, లక్ష్మి క్లినిక్​లకు తాళం వేశారు. ఎలాంటి అర్హత ధృవ పత్రాలు లేకుండా నడిపితే కఠిన చర్యలుంటాయని హెచ్చరించారు.

ఇదీ చూడండి: రాష్ట్రంలో కొవిడ్ టీకా రెండో డోస్‌ వ్యాక్సినేషన్‌ షురూ