రంగారెడ్డి జిల్లా ఆదిభట్ల మున్సిపాలిటీ పరిధిలో ఇటుక బట్టీల వలస కార్మికుల బాలబాలికల పాఠశాలను ఎమ్మెల్యే మంచిరెడ్డి కిషన్రెడ్డి, రాచకొండ పోలీస్ కమిషనర్ మహేష్ భగవత్లు ప్రారంభించారు. ఇటుకబట్టీల సంఘం, కలెక్టర్ల సహకారంతో వర్క్ సైట్ స్కూల్స్ ప్రారంభించినట్లు సీపీ తెలిపారు. నాలుగేళ్లుగా 2100 మంది విద్యార్థులకు చదువు నేర్పిస్తున్నట్లు వెల్లడించారు.
ఒరిస్సాలోని కొన్ని జిల్లాల కార్మికులు కుటుంబంతో సహా వలస వచ్చి ఇక్కడ ఇటుకబట్టీల్లో పనిచేస్తున్నట్లు మహేష్ భగవత్ పేర్కొన్నారు. ఆపరేషన్ ముస్కాన్, ఆపరేషన్ స్మైల్ ద్వారా బలకార్మికులకు విముక్తి కల్పిస్తున్నామన్నారు. తెలంగాణలో ప్రతి ఒక్కరికి విద్యను అందించేందుకు వర్క్ సైట్ స్కూల్స్ ఎంతో ఉపయోగపడుతాయని ఎమ్మెల్యే మంచిరెడ్డి కిషన్ రెడ్డి తెలిపారు.
ఇవీ చూడండి: మెడికల్ ఫీజుల విషయంలో హైకోర్టు తీర్పుపై సుప్రీం స్టే
