పదో తరగతి ఫలితాల్లో ఇబ్రహీంపట్నానికి చెందిన స్మరణ్ సత్తా చాటాడు. రంగారెడ్డి జిల్లా బొంగుళూరులోని తెలంగాణ స్టేట్ మోడల్ స్కూల్లో చదివి పదికి పది పాయింట్లు సాధించాడు. ఇతని తల్లిదండ్రులు ప్రభుత్వ ఉద్యోగులు. తండ్రి సత్యం కలెక్టర్ కార్యాలయంలో గుమస్తా కాగా... తల్లి గ్రామంలోని పాఠశాలలో ఉపాధ్యాయురాలు. తమ ఇద్దరి పిల్లలను ప్రభుత్వ పాఠశాలలోనే చదివించారు. పెద్ద కుమారుడు ప్రభుత్వ పాఠశాలలోనే చదివి ఇప్పుడు ఐఐఐటీ బాసరలో ఇంజినీరింగ్ మొదటి సంవత్సరం చదువుతున్నాడు.
నాణ్యమైన విద్య లభిస్తుంది
ప్రభుత్వ పాఠశాలల్లో ప్రైవేటు స్కూళ్లకు దీటుగా బోధన ఉంటుందని స్మరణ్ తెలిపాడు. తల్లిదండ్రులు, ఉపాధ్యాయుల ప్రోత్సాహం వల్లే తాను ఈ విజయం సాధించానని అన్నాడు. ప్రణాళిక ప్రకారం చదవడం వల్లే తమ కుమారుడు పదో తరగతిలో పదికి పది పాయింట్లు సాధించాడని స్మరణ్ తల్లిదండ్రులు తెలిపారు. మిఠాయిలు పంచి సంతోషం వ్యక్తం చేశారు.
ఇదీ చూడండి : పదో తరగతి ఫలితాల్లో బాలికల ముందంజ
