హరితహారంలో భాగంగా మొక్కలు నాటిన దానకిశోర్​

రంగారెడ్డి జిల్లా హిమాయత్​సాగర్ గార్డెన్​లో జలమండలి ఎండీ దానకిశోర్​ ఆరో విడత హరితహారంలో భాగంగా మొక్కలు నాటారు. జలమండలి పంప్​హౌజ్​లు, ఖాళీ స్థలాల్లో మొక్కలు నాటాలని ఆయన అధికారులను ఆదేశించారు.

జలమండలి పంప్​హౌజ్​లు, ఖాళీ స్థలాల్లో మొక్కలు నాటాలని జలమండలి ఎండీ దానకిశోర్​ పిలుపునిచ్చారు. ఆరో విడత హరితహారంలో భాగంగా హిమాయత్​సాగర్​ గార్డెన్​లో ఆయన మొక్కలు నాటారు. నాటిన ప్రతి మొక్కను సంరక్షించే బాధ్యతను ప్రజలందరూ తీసుకోవాలని సూచించారు.

తక్కువ విస్తీర్ణంలో ఎక్కువ మొక్కలు నాటే ప్రసిద్ధ జపాన్​ బొటానిస్ట్​ అకీరా మియావాకీ టెక్నిక్​తో మొక్కలు నాటాలన్నారు. ఇలాంటి మొక్కలు ఒక హెక్టార్​ విస్తీర్ణంలో 14 రకాలకు చెందిన పదివేల మొక్కలను నాటేలా ఎండీ దానకిశోర్​ చర్యలు తీసుకున్నారు.