వలస కార్మికులకు సరుకుల పంపిణీ

రంగారెడ్డి జిల్లా శేరిలింగంపల్లి డివిజన్​లోని వలస కూలీలకు వివేకానంద సేవా సమితి సాయంతో భాజపా రాష్ట్ర కార్యవర్గ సభ్యులు నిత్యావసర సరుకులు పంపిణీ చేశారు.

లాక్​డౌన్​తో రంగారెడ్డి జిల్లా శేరిలింగంపల్లిలో వలస కార్మికులు పడుతున్న ఇబ్బందులను వివేకానంద సేవా సమితి గుర్తించింది. వారికి సాయం చేయడం కోసం నిత్యావసర సరుకులు అందించాలని నిర్ణయించింది.

శేరిలింగంపల్లి, ఇందిరానగర్​లోని వలస కార్మికులకు భాజపా రాష్ట్ర కార్యవర్గ సభ్యుల చేతులమీదుగా నిత్యావసర సరుకులు అందజేశారు. ఈ కార్యక్రమంలో వివేకానంద సేవా సమితి సభ్యులు రవీందర్, నవీన్, శ్రీధర్ పాల్గొన్నారు.