నకిలీ పత్తి విత్తనాల తయారీ కేంద్రంపై దాడి

బండ్లగూడ జాగీర్ మల్లికార్జున్ నగర్​లో అక్రమంగా పత్తి విత్తనాలు ప్యాకింగ్ చేస్తున్న కేంద్రంపై ఎస్​ఓటి పోలీసులు దాడులు చేశారు. నకిలీ విత్తానాల ప్యాకెట్లను స్వాధీనం చేసుకుని రాజేంద్రనగర్​ పోలీసులకు అప్పగించారు.

రంగారెడ్డి జిల్లా గండిపేట్ మండలం బండ్లగూడ జాగీర్ ప్రాంతంలోని మల్లికార్జున్ నగర్​లో... అక్రమంగా పత్తి విత్తనాలు ప్యాకింగ్ చేస్తున్న కేంద్రంపై ఎస్​ఓటీ పోలీసులు దాడులు చేశారు. ముగ్గుర్ని అదుపులోకి తీసుకుని... ఇంద్ర, పల్లవి, బిల్లా, బిజీ -3 అనే పేర్లతో ఉన్న 178 విత్తనాల ప్యాకెట్లను స్వాధీనం చేసుకున్నారు.

ప్యాకింగ్ యంత్రం, ముడి సరకును సీజ్​ చేసి రాజేంద్రనగర్ పోలీసులకు అప్పగించారు. పోలీసులు కేసు నమోదు చేసి దర్యాప్తు చేస్తున్నారు.

ఇదీ చూడండి: దేశంలో 90 శాతం ఉద్యోగులకు ఆదాయ గండం!