రంగారెడ్డి జిల్లా శేరిలింగంపల్లి ప్రాథమిక ఆరోగ్య కేంద్రంలో పరీక్షల కోసం అనుమానితులు తరలివచ్చారు. రెండు రోజులుగా టెస్టుల సంఖ్య తగ్గడంతో ప్రజలు అధిక సంఖ్యలో కేంద్రాలకు వస్తున్నారు. ప్రభుత్వ అధికారులు మాత్రం కరోనా నిర్ధరణ కిట్లు ఉన్నా వాక్సినేషన్ కార్యక్రమం ఉండటంతో పరీక్షలు తక్కువ చేస్తున్నట్లు తెలిపారు.
కరోనా లక్షణాలు లేకున్న కొందరు పరీక్షల కోసం వస్తున్నారని పీహెచ్సీ ఇంఛార్జ్ వైద్యాధికారి స్వామి వెల్లడించారు. అలాంటి వారిని వెనక్కి పంపించడం జరుగుతోందన్నారు. కరోనా నిర్ధారణ పరీక్షలు కిట్లు అందుబాటులో ఉన్నాయని ఆయన తెలిపారు. వాక్సినేషన్ కోసం సైతం ప్రజలు తరలివస్తున్నారని ఇది శుభపరిణామమని అన్నారు.
