మళ్లీ అవకాశం ఇవ్వండి... అభివృద్ధి చేస్తా...

పుర ఎన్నికల ప్రచారం జోరుగా సాగుతోంది. ఓటరు దేవుళ్లను ప్రసన్నం చేసుకునేందుకు అభ్యర్థులు ప్రచారం ముమ్మరం చేశారు. తుర్కయంజాల్​లో కాంగ్రెస్​ అభ్యర్థి తనను గెలిపించాలని అభ్యర్థించారు.

రంగారెడ్డి జిల్లా తుర్కయంజాల్ మున్సిపాలిటీ 22వ వార్డు కాంగ్రెస్ అభ్యర్థి కోశిక ఐలయ్య ప్రచారం చేశారు. హస్తం గుర్తుకు ఓటేసి గెలిపించాలని ఓటర్లను అభ్యర్థించారు. తాను గతంలో వార్డు మెంబర్​గా, ఉప సర్పంచ్​గా ఎన్నో అభివృద్ధి కార్యక్రమాలు చేశానని, మళ్లీ అవకాశం ఇస్తే ఇంకా అభివృద్ధి చేసి చూపిస్తానని హామీ ఇచ్చారు.

తుర్కయంజాల్​లో కాంగ్రెస్ జెండా ఎగరడం ఖాయమని ధీమా వ్యక్తం చేశారు. ఇందిరమ్మ కాలనీలో ఇంటింటికి తిరుగుతూ ఓటర్లను ప్రసన్నం చేసుకుంటున్నారు.

ఇవీ చూడండి: కేటీఆర్ అవినీతిపై విచారణ చేపట్టాలి: రేవంత్​ రెడ్డి