అడుగడుగునా తెరాసకు బ్రహ్మరథం: మంజుల రఘునాథ్​రెడ్డి

రంగారెడ్డి జిల్లా చందానగర్ డివిజన్​లో తెరాస కార్పొరేటర్ అభ్యర్థి మంజుల రఘునాథ్ రెడ్డి ప్రచారం నిర్వహించారు. నగర అభివృద్ధి తెరాసతోనే సాధ్యమన్న ఆమె... తన గెలుపుపై ధీమా వ్యక్తం చేశారు.

రంగారెడ్డి జిల్లా చందానగర్ డివిజన్​లో తెరాసకు ప్రజలు అడుగడుగునా బ్రహ్మరథం పడుతున్నారని అధికార పార్టీ అభ్యర్థి మంజుల రఘునాథ్ రెడ్డి అన్నారు. చందానగర్ డివిజన్​లోని కైలాశ్​నగర్, గౌతమి నగర్, బృందావనం అపార్ట్​మెంట్​లో ఆమె ఎన్నికల ప్రచారం నిర్వహించారు.

చందానగర్​ డివిజన్ అభివృద్ధి తెరాసతోనే సాధ్యమన్న ఆమె... కాలనీల నుంచి విశేష స్పందన వస్తోందన్నారు. నగరాభివృద్ధికి ప్రభుత్వం వేల కోట్ల రూపాయలు మంజూరు చేసిందని తెలిపారు. ప్రజలు మరోసారి తెరాసకే పట్టం కట్టాలని సూచించారు.

ఇదీ చదవండి: మున్నూరు కాపుల సమస్యల్ని పరిష్కరిస్తాం: కేటీఆర్