'ఎమ్మెల్యేలు ఉప్పునీటిలో కలిసి కలుషితమవుతున్నారు'

'కాంగ్రెస్ పార్టీ జీవనదిలాంటిది. ఎంతమంది వచ్చి చేరినా... ఎంత మంది పార్టీని వీడినా ఎలాంటి ఇబ్బంది లేదు. ప్రస్తుతం ఎమ్మెల్యేలంతా మంచి నీటి నుంచి వెళ్లి పనికి రాని ఉప్పునీటిలో కలిసి కలుషితమవుతున్నారు': పొన్నం ప్రభాకర్

రాజన్న సిరిసిల్ల జిల్లా ఇల్లంతకుంట మండల కేంద్రంలో కాంగ్రెస్ నేతలు కరీంనగర్ అభ్యర్థి పొన్నం ప్రభాకర్​కు మద్దతుగా కార్యకర్తల సమావేశం నిర్వహించారు. కాంగ్రెస్ పార్టీ జీవ నది లాంటిదని ఎప్పుడు ప్రవహిస్తూనే ఉంటుందని పేర్కొన్నారు. ఎంత మంది ఎమ్మెల్యేలు తమ పార్టీని వీడినా.. ఇబ్బంది లేదన్నారు. ముఖ్యమంత్రి కేసీఆర్ కాంగ్రెస్​ను మట్టుపెట్టాలనుకుంటే... జీవన్ రెడ్డిని గెలిపించి పట్టభద్రులు తగిన గుణపాఠం చెప్పారని అన్నారు. తనని ఎంపీగా గెలిపించేందుకు కార్యకర్తలంతా కృషి చేయాలని విజ్ఞప్తి చేశారు. తాను విజయం సాధిస్తే సాయం చేసిన కార్యకర్తలందరినీ... ఎంపీటీసీలుగా, జడ్పీటీసీలుగా గెలిపిస్తానని హామీ ఇచ్చారు.

ఇవీ చదవండి:చౌకీదార్​, టేకేదార్​ కాదు దేశానికి కేసీఆర్​ కావాలి