కరెంట్​షాక్​తో వివాహిత మృతి

రాజన్న సిరిసిల్ల జిల్లా వీర్నపల్లి మండల కేంద్రంలో విద్యుత్ షాక్​తో రేనా అనే వివాహిత మృతి చెందింది. ఆమె మృతితో కుటుంబంలో విషాదఛాయలు అలుముకున్నాయి. ఉపాధి కోసం గల్ఫ్​ దేశానికి వెళ్లిన భర్త లాక్​డౌన్​ కారణంగా అక్కడే చిక్కుకుపోయాడు.

రాజన్న సిరిసిల్ల జిల్లా వీర్నపల్లి మండల కేంద్రంలో విద్యుత్ షాక్​తో తవుటు రేనా అనే వివాహిత మృతి చెందింది. మంగళవారం ఉదయాన్నే మోటర్ ఆన్ చేస్తున్న క్రమంలో విద్యుత్ షాక్​తో అక్కడికక్కడే మృతి చెందినట్లు కుటుంబ సభ్యులు తెలిపారు. మృతురాలి భర్త రాజం ఉపాధి నిమిత్తం గల్ఫ్ దేశానికి వెళ్లినట్ల పేర్కొన్నారు.

కరోనా లాక్​డౌన్ కారణంగా రాజం అక్కడే ఉండిపోయాడు. భార్య మృతి చెందిన వార్త విన్న ఆయన... ఆమె మృతదేహాన్ని చరవాణిలో వీడియో కాల్ ద్వారా చూసి కన్నీటి పర్యంతమయ్యారు. మృతురాలికి కుమారుడు పవన్, కుమార్తె సౌమ్యలు ఉన్నారు.