రాజన్న సిరిసిల్ల జిల్లా వేములవాడ మండలం అగ్రహారం గుట్టలో పెద్దూర్కు చెందిన ఓ దొంగబాబా బాగోతం బయట పడింది. ఓ అమాయక కుటుంబానికి ఆరోగ్య సమస్యలను లేకుండా చేస్తానని మాయమాటలు చెప్పి అగ్రహారం గుట్టల్లోకి తీసుకువచ్చి భూత వైద్యం పేరుతో నయం చేస్తానంటూ క్షుద్ర పూజలు మొదలు పెట్టాడు. క్షుద్ర పూజలు చేస్తున్నప్పుడు అక్కడే ఉన్న కొంతమంది స్థానికులు వీడియో తీశారు. ఏం మంత్రాలు చేస్తున్నావంటూ గట్టిగా అడిగే సరికి.. అక్కడున్న తన వస్తువులన్నీ మూటగట్టుకొని పరారయ్యాడు. జిల్లాలో ఇలాంటి నకిలీ బాబాలపై పోలీసుల నిఘా కూడా లేకపోవడం వల్ల అమాయక ప్రజలు మోసపోతున్నారని, దొంగబాబాలపై కఠిన చర్యలు తీసుకోవాలని స్థానికులు కోరుతున్నారు.
ఇదీ చూడండి : ఎమ్మెల్యే మృతికి కేసీఆర్, పోచారంతోపాటు మంత్రుల సంతాపం
