పెద్దపల్లి జిల్లా పురపాలికల్లో తెరాసే పెద్ద..!

పెద్దపల్లి జిల్లా పురపాలిక పీఠాలను గులాబీ పార్టీ కైవసం చేసుకుంది. పెద్దపల్లి, సుల్తానాబాద్​, మంథనిలో అత్యధిక వార్డులు గెలిచి తన ఆధిపత్యం నిరూపించుకుంది.

పెద్దపల్లి మున్సిపాలిటీపై తెరాస జెండా పాతింది. ఇక్కడ 36 వార్డులు ఉండగా... 23 స్థానాలు గెలుచుకుని పురపీఠం దక్కించుకుంది. ఐదు వార్డులు ​హస్తగతం కాగా.. 2 స్థానాల్లో కమలం వికసించింది. మజ్లిస్​ పార్టీ 1 స్థానంతో సరిపెట్టుకోగా ఇతరులు 5 వార్డులు గెలుచుకున్నారు.

పెద్దపల్లి జిల్లా పురపాలికల్లో తెరాసే పెద్ద

సుల్తానాబాద్‌ పురపాలికలోనూ తెరాస పాగా వేసింది. ఈ మున్సిపాలిటీలో 15 వార్డులుండగా.. 9 స్థానాలు గెలుచుకుని కారు పార్టీ పురపీఠం దక్కించుకుంది. కాంగ్రెస్​ 6 స్థానాలు కైవసం చేసుకుంది. మంథని మున్సిపాలిటీ ఛైర్మన్​ పీఠాన్ని గులాబీ పార్టీ ఆక్రమించింది. మొత్తం 13 వార్డులకు 11 స్థానాలు గెలుచుకుని సత్తా చాటింది. మిగిలిన రెండింటిని కాంగ్రెస్​ హస్తగతం చేసుకుంది.

ఇవీ చూడండి: కారు జోరు.. తెలంగాణభవన్​లో కార్యకర్తల ఊపు..