'టీబీజీకేఎస్​ నాయకుల మధ్య ఘర్షణ'

గోదావరిఖనిలో సింగరేణి తెలంగాణ బొగ్గుగని కార్మిక సంఘంలో వర్గవిభేదాలు భగ్గుమన్నాయి. టీబీజీకేఎస్​ కార్యాలయంలో సంఘంలోని ఇరువర్గాలు దాడులు చేసుకున్నారు. అనంతరం ఒకరిపై ఒకరు పోలీసులకు ఫిర్యాదు చేసుకున్నారు.

తెలంగాణ బొగ్గుగని కార్మిక సంఘంలో వర్గవిభేదాలు బయటపడ్డాయి. గోదావరిఖనిలోని తెలంగాణ బొగ్గగని కేంద్ర కార్యాలయంలో శుక్రవారం రాత్రి టీబీజీకేఎస్​లోని రెండు వర్గాలు దాడులు చేసుకున్నారు. శనివారం జరగబోయే సంక్షేమ శాఖ మంత్రి కొప్పుల ఈశ్వర్​ జన్మదిన వేడుకల విషయంలో నాయకుడు నాయిని శంకర్...​ తమకు సమాచారం ఇవ్వలేదని అదే సంఘంలోని మరోవర్గం నాయకుడు పెంచాల తిరుపతి ఆగ్రహంతో ఊగిపోయారు.అక్కడ ఉన్న ఇతర నాయకులు సర్దిచెప్పిన వినిపించుకోకుండా ఇద్దరు ఒకరిపై ఒకరు దాడి చేసుకున్నారు. ఇరువర్గాలు ఠాణాలో ఫిర్యాదు చేశాయి. ఇవీ చూడండి: ఆ షాట్​ను ధోనీ మెచ్చుకున్నాడు : పాండ్య