కక్ష్య కట్టి గొడ్డలి పట్టి

తరచూ గొడవ పడుతుండేవాడు. ఎన్నిసార్లు మందలించినా... తీరు మార్చుకోలేదు. చేసేదేమిలేక ఊరి నుంచి పంపించేశారు. దాన్ని మనసులో పెట్టుకుని దారుణానికి పాల్పడ్డాడో కిరాతకుడు.

పెద్దపల్లి జిల్లా రామగుండంలోని ముబారక్​నగర్​లో దారుణం చోటు చేసుకుంది. సమ్మెట బాలమ్మ అనే 60 ఏళ్ల వృద్ధురాలిని ఇంటి పక్కన ఉండే నంగునూరి నరేష్​ గొడ్డలితో కిరాతకంగా నరికాడు. తల్లి అరుపులు విని కుమారుడు అడ్డుకునే ప్రయత్నం చేయగా... బెదిరించి పరారయ్యాడు నిందితుడు.

పాత కక్ష్యలతోనే...
ఇద్దరు కుమారులతో కలిసి నివసిస్తున్న బాలమ్మ ఇంటి పక్కన ఉన్న యువకుడు నరేష్​ తరచూ ఘర్షణ పడుతుండేవాడు. పోలీసులు మందలించినా నరేష్ ప్రవర్తనలో మార్పులేకపోయేసరికి గ్రామం నుంచి పంపించేయాలని సూచించారు. కొన్నిరోజులుగా నిందితుడు బంధువుల వద్ద ఉంటున్నాడు.

మాటు వేసి...
బాలమ్మ కుటుంబంపై ఉన్న పాత కక్ష్యలతోనే నరేష్​... రెండు రోజులుగా మాటు వేసి... హత్యకు పాల్పడ్డాడని పోలీసులు తెలిపారు.
కళ్ల ముందే చనిపోయిన తల్లిని చూసి కుమారులు, కోడళ్లు కన్నీరుమున్నీరయ్యారు. కేసు నమోదు చేసుకున్న పోలీసులు పరారీలో ఉన్న నిందితుడి కోసం గాలింపు చేపట్టారు.

ఇవీ చూడండి:యాసంగికి ఏర్పాట్లు చేయండి