'పౌరసత్వ సవరణ చట్టాన్ని రద్దు చేయాలి'

కేంద్రం నూతనంగా తీసుకొచ్చిన పౌరసత్వ సవరణ చట్టాన్ని వ్యతిరేకిస్తూ పెద్దపల్లి జిల్లా గోదావరిఖనిలో ముస్లిం మైనార్టీ సోదరులు పెద్ద ఎత్తున ర్యాలీ నిర్వహించారు.

కేంద్రం నూతనంగా తీసుకొచ్చిన పౌరసత్వ సవరణ చట్టానికి వ్యతిరేకంగా పెద్దపల్లి జిల్లా గోదావరిఖని పట్టణంలో ముస్లిం మైనార్టీ సోదరులతో పాటు మహిళలు పెద్ద ఎత్తున నిరసన కార్యక్రమం చేపట్టారు. ఈ మేరకు గోదావరిఖని సింగరేణి జవహర్​లాల్​ నెహ్రూ క్రీడామైదానంలో ముస్లిం మైనార్టీ సోదరులు పాల్గొని జాతీయ జెండాతో పట్టణంలో భారీ నిరసన ర్యాలీ నిర్వహించారు. పట్టణ ప్రధాన వీధుల గుండా కొనసాగిన నిరసన ర్యాలీ నగరపాలక కార్యాలయం వరకు కొనసాగింది. ఈ కార్యక్రమంలో సుమారు 5 వేల మంది ముస్లిం మైనార్టీ సోదరులు పాల్గొన్నారు.