పెద్దపల్లి జిల్లా ఎన్టీపీసీ ఆటోనగర్‌కు చెందిన శ్రీనివాస్ అదే కాలనీకి చెందిన స్రవంతి అనే యువతిపై కత్తితో దాడి చేసి తీవ్రంగా గాయపరిచాడు. ఎనిమిదేళ్లుగా ప్రేమిస్తున్నానంటూ ఆమెకు మాయమాటలు చెప్పాడు. హోటల్‌కు వెళ్దామంటూ గురువారం సాయంత్రం బయటకు తీసుకెళ్లాడు. ఈ క్రమంలో వారిద్దరి మధ్య వాగ్వాదం జరిగి... ఆవేశంతో తన వెంట తెచ్చుకున్న కత్తితో కడుపులో పొడిచాడు. ఈ ఘటనలో స్రవంతి తీవ్రంగా గాయపడింది. శ్రీనివాస్ అక్కడి నుంచి పరారయ్యాడు. స్థానికులు గమనించి స్రవంతినిగోదావరిఖని ప్రభుత్వ ఆసుపత్రికి తరలించారు. బాధితురాలి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. నిందితుడు పరారీలో ఉన్నాడు.
రెచ్చిపోతున్న ప్రేమోన్మాదులు
