దాతల ఔదార్యం... పేదలకు చేయూత

లాక్​డౌన్​ కారణంగా ఉపాధి కోల్పోయిన వారికి సాయం చేయటానికి దాతలు ముందుకొస్తున్నారు. పెద్దపల్లి జిల్లా మంథనిలో జిల్లా జడ్పీ ఛైర్మన్​ ఆటో డ్రైవర్లకు, ఆశా వర్కర్లకు నిత్యావసర సరకులు పంపిణీ చేశారు.

పెద్దపల్లి జిల్లా మంథని మున్సిపాలిటీలో బస్టాండ్ ఆవరణలో ఆటో డ్రైవర్లు, ఆశా వర్కర్లకు జిల్లా జడ్పీ ఛైర్మన్​ పుట్ట మధు, మున్సిపల్ ఛైర్మన్​ పుట్ట శైలజ 25కిలోల బియ్యాన్ని పంపిణీ చేశారు. దాతల సహకారంతో సుమారు 85మంది ఆటో డ్రైవర్లకు, 25మంది ఆశా వర్కర్లకు సాయం చేసినట్లు తెలిపారు.

నిరుపేదలకు సాయం చేయటం సంతోషంగా ఉందని పేర్కొన్నారు. ప్రతి ఒక్కరూ లాక్​డౌన్ నియమాలు పాటిస్తూ ఇంట్లోనే ఉండాలని సూచించారు.