అమ్మకానికి తీసుకొచ్చిన పత్తిని సకాలంలో కొనుగోలు చేయాలని డిమాండ్ చేస్తూ పెద్దపల్లి జిల్లా వ్యవసాయ మార్కెట్ యార్డ్లో రైతులు ఆందోళన చేశారు. పత్తి కొనుగోళ్లలో అధికారుల జాప్యం పట్ల ఆగ్రహం వ్యక్తం చేశారు.
ఉదయం మార్కెట్ యార్డ్కు తీసుకొచ్చిన పత్తిని మధ్యాహ్నం మూడు అయినప్పటికీ కొనుగోలు చేయలేదని రైతులు వాపోయారు. ఈ విషయమై అధికారులను సంప్రదించగా ఆన్లైన్లో కొనుగోలు ఆలస్యం కావడమే కారణమని తెలిపారు.
వేలం వేయాలి..
మార్కెట్కు తీసుకొచ్చిన పత్తిని బహిరంగంగా వేలంపాట నిర్వహించాలని అధికారులను పలుమార్లు కోరినప్పటికీ పట్టించుకోవడం లేదని కర్షకులు ఆవేదన వ్యక్తం చేశారు. ఆన్లైన్ పద్ధతి ద్వారా క్వింటాల్ పత్తికి గిట్టుబాటు ధర రావడం లేదని ఆగ్రహం వ్యక్తం చేశారు. పోలీసులు రైతులకు నచ్చజెప్పి మార్కెట్ అధికారులతో మాట్లాడారు. రేపటి నుంచి సకాలంలో పత్తి కొనుగోలు చేస్తామని జిల్లా మార్కెటింగ్ అధికారి ప్రవీణ్ కుమార్తో పాటు మార్కెట్ అధికారులు హామీ ఇవ్వడంతో రైతులు ఆందోళన విరమించారు.
ఇదీ చూడండి: నిబంధనలు గాలికొదిలేశారు.. స్కూల్లో పరీక్షలు నిర్వహించేశారు..!
